2011年12月24日 星期六

聖誕快樂



聖誕節,普天同慶

在此獻上歡欣聖誕歌一首

送給各位曾為我和阿七打氣和祝福的好朋友

祝大家聖誕快樂,永遠幸福

2011年12月23日 星期五


不只十次嘗試執筆想寫寫關於阿七,可是每次都是未落筆已落淚而擱置。半個月過去了,理性告訴我阿七已經離開了,而且是永遠的離開了。儘管有萬個的無奈,我還是要接受阿七已不存在了這個殘酷事實。

2011年12月8日 星期四



12月7日,廿四氣節中的大雪日,女兒阿七化成小天使,從此開開心心、健健康康長居彩虹橋

2011年12月3日 星期六

無胃口




阿娘:    阿七,點解你唔食野呀?

阿七:    因為............我先天下之憂而憂,憂國憂民囉!

2011年12月2日 星期五

暖暖的冬


這段期間,好多人關心阿七的病況,其中公司各同事尤甚,我的一對眼大概已成了他們了解阿七病情的指標,如眼腫腫的話他們就不會問我關於阿七的事。

阿七情況最差是出院後的第一、二天,我真的以為她會熬不過去,要不是有卡樂B這個成功例子一直在我腦裡支持住【可救回來的…】這信念,我相信我會因為不忍心阿七受太多折磨而選擇放棄。這一兩天的阿七仍然是虛弱,但比起當初出院的那最差階段,明顯是好轉多了。

今天天氣轉冷,早上醒來不見阿七躺在沙發上,大吃一驚以為她又躺在沙盤旁爬不起身,急忙找她芳縱之際,見到她睡得甜甜的窩在我為她預備好的暖窩裡,我即時放下心頭大石,靜悄悄蹲在她旁邊輕輕地掃著她毛茸茸背部,這刻我的心如她的毛毛一樣,暖暖的......軟軟的......,我感動得眼淚盈眶。

星期日,阿七會到診所覆診,希望驗血指數會好轉啦。

2011年11月27日 星期日

愛.回家


阿七回家了!

我彷彿好多好多事都要學習,慢慢適應中。

不過有阿七在家,感覺是實在的、良好的……





2011年11月25日 星期五

站起來


由星期日入院至今日,共6天。

阿七不喜歡留院是肯定的,試問有誰會喜歡呆在那個鬼地方!我答應過阿七,明天,明天一定要回家了。

2011年11月24日 星期四

振作


昨天探阿七,精神好好,護士姐姐說今天再抽一次血檢驗,數據理想的話可以回家。

2011年11月23日 星期三

兩句


首先多謝大家對阿七的支持!

我好相信阿七已接收到我們給予她的正能量。

2011年11月19日 星期六

擔心



阿七:    阿娘,你唔開心?

阿娘:    係呀

阿七:    哥哥皮膚敏感,睇左醫生打針食藥應該無事,唔好擔心啦你

阿娘:    ……但係……

阿七:    ……阿娘……

阿娘:    乖女,你呢幾日點解唔食野?



今日本來去探沙dee,由於要陪阿仔去覆診所以爽約,在此向沙dee媽講聲唔好意思,下次再搵機會去拜訪你家。另外阿七最近唔肯食野同埋在地上撤尿,我肉眼都見到佢瘦左好多,肉痛到我呢!我呢幾日日日都攬住佢同佢傾計,叫佢食番野同埋尿尿一定要去沙盤,儍豬似懂非懂,這兩天都無再尿尿在地上,不過仍然無乜點食野。我會觀察阿七既情況,如情況繼續係咁再帶佢去睇醫生,希望無乜事啦


阿七,你快d回復正常,唔好嚇阿娘啦!

2011年11月10日 星期四

開心



波波豬:        honey 7,我帶你衝上雲宵好無?


阿七:            好呀!

2011年11月2日 星期三

妝前妝後


睇過下面妝前妝後的樣子,我相信大家都會明白化狀品為何會貴。

2011年10月25日 星期二

牙齒

阿娘:七姐,我無留意,你有無甩過牙?

阿七:如果隻隻貓都有換牙,我無理由無換掛!咁應該有甩囉。

阿娘:點解唔見你牙仔既遺體既?

阿七:一係比你掃走左,一係我當乾糧吞左。

2011年10月16日 星期日

2011年10月1日 星期六

玩下啦


雅虎 blog 升呢後,相簿就降呢無執功能,唔方便左好多。介紹一個有執相功能既網比大家用,幫自己心愛既貓貓相加點色彩,加點玩意啦

2011年9月18日 星期日

2011年9月4日 星期日

近照


早上醒來見阿七坐在大廳,睡眼星鬆的我見到阿七,第一個感覺就係,咦,你好似肥左喎。

隨手拿起手機即場拍照。

2011年9月2日 星期五

2011年8月27日 星期六

乖乖女

膽小的阿七有一樣唔怕,就係行出門口。

每日佢都會陪我行到電梯口送我上班,好乖。阿七唔會亂走,我行佢行,我停佢停。

佢仲趁呢段時間,教我行 cat  walk ..............

2011年7月26日 星期二

擲聖杯

阿娘:阿七,今日阿娘教你拜神之中既進級版:擲聖杯

阿七:點擲呀?

阿娘:哎吔,屋企無聖杯 tim,唔怕,身體語言都得,唔該借對手尼用丫

阿七:唔慌好帶協

阿娘:通常我地求左支簽出尼,就會透過擲聖杯問神既啟示,通常神靈有三個啟示

2011年7月21日 星期四

2011年7月18日 星期一

貓聚

尋日貓聚,好多謝未來親家熱情既招待,又同 blog 友 牛爸媽、bill爸媽、貓公主爸媽傾貓經傾到好開心,真係好高興同你地見面。期待有下次聚會


回家第一件事就向阿seven姐報告呢次 blog 聚既點滴

2011年6月11日 星期六

本性

下雨晚上,納悶的阿七在家裡百無聊賴之際,突然.......


雙眼炯炯有神,有所發現.........

2011年6月6日 星期一

2011年6月5日 星期日

身世(下集)

呢個世紀初邂逅並無改變我對金虎既印象,相反仲轉個頭同阿爹講,喂,無理由要呢隻架,差咁遠!睇完貓貓,除左嫌銀虎比較瘦小外,大致上都好滿意。老闆娘把貓貓放回旅行袋便問:點呀,鍾意邊隻呢?我們一致都說喜歡銀虎。

2011年6月3日 星期五

身世


唔係見波波豬尋根個 blog ,都無諗過會幫阿七搵下身世。


雖然阿七只係一個攞女,不過我真係對佢如同己出、眠乾睡濕咁揍大佢咖。佢有病我會好擔心,好似上次條頸無啦啦出紅斑,醫生幫佢檢驗時大大力 mit 甩佢d毛,我都肉痛到眼濕濕........

2011年5月23日 星期一

梳毛

有些貓 enjoy 梳毛,阿七都 enjoy ,不過限時兩分鍾,逾時即獸性大發:咬!

2011年5月19日 星期四

毛髮毛天

我相信,呢輪都係我等貓奴叫苦連天的日子!

貓貓甩毛甩到九彩,已經朝朝上班前吸毛吸到一乾二淨,可是放工後大門一開,嘩!迪士尼奇幻飄雪之旅呀,漫天白雪繽紛巧浪漫啊!發春夢無咁早,開工吸毛啦老友記!每次梳毛都成球成球咁,唉,股票有咁多球就話姐.........

2011年5月15日 星期日

新貓糧兜

打算幫阿七換番個高身d既糧兜,唔洗等佢成日"dup"低個頭食糧好似好辛苦咁。通漲高企,好多野都要慳,舊糧兜好地地無理由扔左佢咁浪費咖,靈機一觸,睇下屋企有無咩野可以就地取材先。


















 

一個充滿歐陸vintage式的貓糧兜的誕生:


材料,舊兜一個:


花街朱古力罐一個:


















原來動動小腦筋,家裡好多廢物真係可以利用咖,效果幾唔錯tim


















 阿娘:七七,你感唔感動呢?



2011年5月1日 星期日

東施效顰

阿七爹成日話阿七好喜歡佢,我就話阿七 like 我多d。佢唔信 wor,我費時掃佢興就一直都唔同佢坳。今日佢睇完我同阿七的一些生活照,突然間發老姣話要同阿七影幅溫馨照,咁我咪幫佢影囉!

2011年4月30日 星期六

鬧交

阿七:阿娘懶到出汁,成日話忙,9世都唔出 blog 講下我,等眾 blog 友以為我貓間蒸發!

2011年4月16日 星期六

廚房,我既!

人家廚房是貓貓禁地,而我家廚房則是我阿娘既禁地。
佢要用廚房既話當然要問准我啦,用完仲要抹到乾乾淨淨先好交番比我!

手長?

嘻嘻.......終於搵到成隻長手怪既阿七相

2011年3月31日 星期四

2011年3月19日 星期六

變質

呢兩日都落雨,貓貓最喜歡看雨境

由於次次都捕捉唔到阿七望街境既樣而影唔到相,唯有在舊相找,終於找到這張我好喜歡的舊照。

血案

今朝和阿七玩,玩出血案!

阿娘慘叫:阿七小姐,唔 like 抱都唔洗出爪咁狠毒架!

2011年3月9日 星期三

小氣

好多貓咪同我一樣最憎daddy和媽咪用電腦,因為佢地一對住部腦就聚曬精、匯曬神,原全唔理會我地既存在。你知啦,難得佢地工餘時間在家,我當然希望佢地可以同我一齊玩啦,淨係對住部腦,咁我點呀!

2011年3月5日 星期六

體能訓練

阿娘成日好驚我有骨骼遺傳病,所以佢間唔中都要我做下體能鍛鍊,跨欄運動更加係指定動作。

各位親愛既貓友,以下動作係經過長期訓練才可完成,切勿模倣,否則後果自負。

2011年3月4日 星期五

派$$$

尋日,阿娘放左工之後,入門口好風騷咁o錫左我一啖,然後笑口噬噬話:七七,阿娘今次得米喇!

2011年2月28日 星期一

床上照(2)

天氣冷,七七最愛賴阿娘舖床,踢都唔走

心痛回憶

我清楚記得那夜,豺狼的呼喚劃破了黑夜長空。我越聽越不安靈,我好驚,我在家亂跑、亂叫。我越是想靜止,那可惡的豺狼卻一直在恥笑我。我歇斯底里地回應人狼不要再煩我,豺狼卻說我大個女了要出去一闖天下。

2011年2月26日 星期六

生活照

自從入左呢個門之後,自從我由困籠到獲釋之後,自從阿娘由唔鍾意我到好鍾意我之後,自從我由BB女到中女之後,我感受到我確實係搵到一主好人家。呢三年來我們一家雖經歷過金融海嘯、豬流感、禽流感、失望既財政預算報告,但我地一家之所以仍然能夠欣然面對,阿娘話係多得我阿七一直在佢背後既無言支持同埋鼓勵,才可一一衝過黑暗。我好開心能融入這個可愛既家.......

2011年2月24日 星期四

2011年2月23日 星期三

發夢

想飛、想飛、好想飛

要飛得高、要飛得遠

我要與白雲姐姐唱歌

我還希望能與龍共舞

2011年2月22日 星期二

小時候

這是我小時候的相,第一張是第一天入門,慘被困籠時攝的。由於我表現好,第二天就被釋放了!家人都說我乖,他們都好寵我。除了一次唔小心於梳化上便便被媽媽打過外,我一直都係一隻循規道舉既乖貓。現在我三歲了,食得、訓得又屙得,生活 so far so good,家中只有我一隻貓,現在正積極說服媽媽養多一隻貓貓陪我玩,希望我願望成真啦

2011年2月20日 星期日

新 blog 開張



新年新攪作,屬於我阿七既私貓 blog,今日新開張喇
以後我會o係度記低我既生片段點滴,留下美麗記印