梳毛

有些貓 enjoy 梳毛，阿七都 enjoy ，不過限時兩分鍾，逾時即獸性大發：咬！

毛髮毛天

我相信，呢輪都係我等貓奴叫苦連天的日子！

貓貓甩毛甩到九彩，已經朝朝上班前吸毛吸到一乾二淨，可是放工後大門一開，嘩！迪士尼奇幻飄雪之旅呀，漫天白雪繽紛巧浪漫啊！發春夢無咁早，開工吸毛啦老友記！每次梳毛都成球成球咁，唉，股票有咁多球就話姐.........

新貓糧兜

打算幫阿七換番個高身d既糧兜，唔洗等佢成日"dup"低個頭食糧好似好辛苦咁。通漲高企，好多野都要慳，舊糧兜好地地無理由扔左佢咁浪費咖，靈機一觸，睇下屋企有無咩野可以就地取材先。

 

一個充滿歐陸vintage式的貓糧兜的誕生：


材料，舊兜一個：

花街朱古力罐一個：

原來動動小腦筋，家裡好多廢物真係可以利用咖，效果幾唔錯tim

 阿娘：七七，你感唔感動呢？

東施效顰

阿七爹成日話阿七好喜歡佢，我就話阿七 like 我多d。佢唔信 wor，我費時掃佢興就一直都唔同佢坳。今日佢睇完我同阿七的一些生活照，突然間發老姣話要同阿七影幅溫馨照，咁我咪幫佢影囉！