雖然阿七只係一個攞女，不過我真係對佢如同己出、眠乾睡濕咁揍大佢咖。佢有病我會好擔心，好似上次條頸無啦啦出紅斑，醫生幫佢檢驗時大大力 mit 甩佢d毛，我都肉痛到眼濕濕........
2007年尾，我地透過一本貓雜誌見到家附近的物店有貓出售，於是就落去睇下有咩荀盤。到左間舖頭見到 d 貓貓唔多靚，於是就攞出本雜誌就指住幅相話，比呢隻銀虎我睇睇丫唔該.........
阿七：哎呀，阿娘你寫錯喇，金虎呀！！
阿娘：其實當時我地係(目及)中隻銀虎，無諗過要你喎
老闆娘一睇就話：哦，呢兩隻好細隻，未上架喎，於是我地就問幾時上架呢？我地搵日再尼過約睇都得。老闆娘想一想後便問我地衣加得唔得閒，佢會行番屋企整野，
可以既話就一齊去睇。去到老闆娘屋企樓下，佢叫我地等等，她會帶小貓下來給我們揀。無耐老闆娘就帶著一個裝住圖中兩隻貓B既袋落樓下，我地第一次眼到阿七
喇！不過係係咁咦"哨"左佢一眼就一手抱起阿七隔離果隻銀虎貓B。嘩！好得意呀，好Q呀，輪到我抱未
jack！可憐既阿七當時就身在我們腳下的袋中......
銀虎細細隻好可愛，可能我地太過熱情，銀虎有點不知所措，抱多兩抱開始掙扎仲跳左落地。阿爹去追貓之際我翻一翻腳下的旅行袋，見到肥o都o都的金虎在袋裡靜靜地坐著，一個唔覺意抬起頭，就在電光火石、千鈞一髮之際，神蹟地我同金虎就咁打左一個照臉，眼神第一次接觸...
呢個世紀初邂逅並無改變我對金虎既印象，相反仲轉個頭同阿爹講，喂，無理由要呢隻架，差咁遠！
(太長喇，斬件待續....)
阿七細個係藍眼
回覆刪除[版主回覆06/03/2011 17:22:00]可能帶左 colour con 等上鏡靚 d 掛
兩隻都咁可愛，俾我都唔知點揀，做咩唔要哂兩隻啫？仲有你係米自細就鐘意貓？
回覆刪除[版主回覆06/03/2011 23:10:00]若想知後事如何，請留意下集大結局 我自細好憎貓就真！其實十幾年前曾經買過一隻波斯貓，養左一個星期我掂都未掂過佢，後來送左佢比我姐姐。初初阿七尼到我屋企我都唔係咁鍾意佢，可能係緣份啦，佢成日想癡住我，有一次仲無啦啦跳上梳化訓o係我大脾，等我鬼咁開心，從此就愛貓喇。不過原來隻衰野玩野，自從俘虜左我之後就無試過訓o係我身邊，若即若離......
兩隻貓b都好可愛呀
回覆刪除緣份呀
回覆刪除阿七細個好得意呀....
回覆刪除