身世(下集)

呢個世紀初邂逅並無改變我對金虎既印象，相反仲轉個頭同阿爹講，喂，無理由要呢隻架，差咁遠！睇完貓貓，除左嫌銀虎比較瘦小外，大致上都好滿意。老闆娘把貓貓放回旅行袋便問：點呀，鍾意邊隻呢？我們一致都說喜歡銀虎。

老闆娘開價後，我們覺得價錢稍貴，便問老闆娘可否平些。

老闆娘：其實呢隻我未打算賣，再養肥小小可賣更好價錢，不過見你地好想買貓才咁既價錢賣比你地，唔好意思呀，無得平呀呢隻真係。諗下金虎妹啦，初養貓新手呢
隻o岩，價錢平D又強壯大隻D，易揍呀呢隻，信我丫。咁啦金虎可以再平500蚊比你地，銀虎就真係無得平咖喇。其實隻金虎真係好靚，養大會好靚.........

                                                                                               

再平左500蚊既金虎價錢對我地來說係合理，不過.........

好啦，即管抱隻衰豬出尼睇下先決定。再打開旅行袋，一金一銀相比之下，金虎好明顯強壯大隻好多，最吊詭既係佢竟然識抬起頭眼定定望住我地喎，阿爹抱起牠，牠
竟然一頭躲在阿爹懷裡甜甜地睡著了，無掙扎、無抗拒、無隔膜。就咁樣阿爹就抱著阿七回家成為我家既一份子。現在才醒覺當時應該要求老闆娘比我地見下阿七父
母，影相留個紀念都好嘛。尋日睇番當年果期雜誌既廣告，有父系照片，憑面上的花紋和眼神，我覺得呢隻應該係阿七既親生老豆喇

阿七親生老豆可以話係一隻靚貓皇，個頭又圓又大，隻眼圓過粒龍眼，堪稱人見人愛車見車載，唔怪得阿七女仔人家個頭都爆爆地，成隻仔咁既樣啦！父系可尋，不過就搵唔到阿七親生阿媽既資料。

阿七你雖然唔知邊個係親生阿媽，不過唔怕，你有我呢個阿媽都係一樣姐。呢幾年來你大佬放左洋讀書，好彩有你陪我先無咁悶咋。所以阿七，阿娘真係要向你講句：七七，我愛你.......