養貓心得

善終公司通知搬遷，所以上星期六走上去睇睇新環境順便探下阿七。


新環境比以前寬敞舒適，揀左一個比較開揚既位置安頓阿七，便和一對剛巧在這裡為愛犬放靈位的姊妹閒談起來。

妹妹：你貓貓好靚喎，幾時既事？

彈媽：舊年喇，係好可惜，剛剛四歲最靚女既時候比天父接走，腎病，救唔番

姐姐：我狗狗三歲，都係我唔好，害死佢。我仔仔對狗毛敏感好犀利，千辛萬苦幫佢搵到個以為既好主人，點知一個月唔夠就.........

彈媽：唔好傷心喇，佢地上左天堂享福，好過受病苦煎熬。我貓貓臨去前所受既痛苦，我一世記得，比佢安安詳詳離開係我可以幫佢既唯一。

妹妹：我舊年隻貓剛走，廿一歲.....

彈媽：嘩，好長命喎，你點養呀？比咩佢食？咩貓尼咖？...............

大家知啦，彈媽自從失去阿七，對養貓信心跌至低點，老實講養兩彈對我來說壓力好大，每樣事都患得患失驚重蹈覆轍，所以一遇到好似呢位曾經養貓養到21歲既高手，我就一定一輪嘴追住問心得咬住唔放勒。大家想唔想知呢個長命秘方呢？原來呢..............





偉嘉乾糧 + 貓大哥濕糧(兩星期一罐) + 大量清水 = 21歲命
我聽完真係360度向外翻騰3週半再加一連串高難度動作之後好難睇咁撻低左

天呀！呢兩隻唔係我地認為迷不得戀不得既糧咩！係真唔係呀？個妹妹都話知道呢兩隻係公認唔好既商業糧，但係食慣左無辦法咁喎。所以都係果句，如無先天病的話只要貓貓肯食，係食乜都無所謂o既。


又跟進下貓貓相處進展。

兩彈仍然有撕殺場面，子彈惡起上來成隻豹咁，可以從後撞到妃彈打幾個"關抖"，今朝子彈咬到成口妃彈D毛先喝得停。又唔好以為佢地關係轉壞 wor，轉個頭又比我影到佢地我夢魅以求既共枕照

吉吉媽，請問咩野叫做"打到不分勝負"就可以呀？

頭先巡 blog 見到沙 dee 媽舊鱈魚好精美，不過就好鬼貴囉。講開呢種魚香港賣得好貴，但係阿七哥就成日都有得食喇。佢課餘時間就會去岸邊釣魚，先釣沙甸魚做餌，跟住就會釣到魚喇，其中釣得最多既就係三文魚同埋 blue cod 喇！試過一次釣釣下引左幾隻海狗過尼搶食 tim。國家有大細限定，最小要有唔知 10 定 12 吋 先可以帶番屋企煮尼食，佢多數會用香草海海鹽焗，食時再加檸檬汁。


阿仔，免費野有得食好食喇，香港巧貴架.........

爭阿沙 dee 媽一餐潮菜，都係簡簡單單咁啦，去片


苦瓜咸菜黃豆排骨湯，消暑好飲

凍大眼雞

凍蟹