花甲

今日講花甲！

咩呀，咩尾遮原來已踏花甲之年呀 ><

唔係呀！唔係講年紀呀！諗錯晒喇！

我講既係食得既花甲呀~~~

你兩隻臭彈好走開喇下，激到我嬲嬲地，咪怪貧尼陣間心狠手辣呀下！

子彈你茅多事啦，行開..........

show time~~~~~~~~~~~~~~~~~

材料：花甲一斤，大量薑、蔥、蒜頭， 紹興酒、雞湯

一爆薑、蒜.............

二爆雞湯紹興酒....................

湯滾起就放花甲、蔥、嗜辣者可爆放胡椒碎

咩亂煮一通呀，呢種煮法叫做秘制，係你阿娘自己憑多年既入廚心得和敏銳既味覺，慢慢鑽研出來既烹調方法，雖然可能未能得到大家既認同，不過有麝自然香，有料既自然會有人欣賞

子彈：車，講尼講去咪得一個

衰仔，阿十一D都唔蠢仲識得煮下野咖！你睇埋阿娘既作品先批評啦！

爆，如果你以為簡簡單單放晒所有材料落油鑊度加熱咁就叫做爆，你就大錯特錯喇！爆，係要講 heart、講 passion。當熱烘烘的鑊被加上食油時，油就會被熱情澎湃既油馬上感染，兩者感情一觸即發瞬間昇華直達沸點，我會趁這個美妙和曖昧但頃刻即逝的短暫時刻，悄悄地、溫柔地、羞澀地暗暗放下薑和蒜末為他們這段戀情添上韻味、加上色彩，務求把這段本來已經不簡單嘅感情推上另一階段去闖另一層次。此時絕配得天下無雙既薑蒜不知不覺在舞池中隨著愛的旋律翻翻起舞，那麼和諧、那麼協調啊！崇高的愛情散發出浪漫、迷人的香味之餘，陣陣愛的煙霧隨著他們的舞步裊裊上升，如夢如幻月，正正告訴我們甚麼叫做【只羨薑蒜不羨仙】！我記得標媽講過感情一長久就會淡而無味，雖則細水長流但真的教人太過乏味。有見及此，我決定為薑蒜這段童話式的戀愛填上更溫馨、更綺麗醉生夢死的一幕。當薑蒜哄哄烈烈地談情說愛時，我不動聲色、併住氣息為他們灑上紹興酒和雞湯，噢！不得了啊！成件事剎那間彷彿活化起來，薑帶出雞湯的終極鮮美，蒜逼出紹酒散發陳年的芳香，此刻一個令人聞到都會感動流淚的偉大湯底正式誕生。

望著桌上那碗熱騰騰的花甲湯，聞到陣陣香味傳來，那種似曾相識卻又相當陌生的感覺 ，真教人思潮反覆。我急不及待呷了一口湯，兩顆豆大的眼淚竟然默默滴下。迷糊中我記起了，是家！無錯，是老家的味道……